Прадметам дзейнасці каледжа з'яўляецца адукацыйная дзейнасць, якая ажыццяўляецца ў сферы адукацыі, а таксама іншая дзейнасць у адпаведнасці з заканадаўствам.
Мэтамі дзейнасці каледжа з'яўляюцца:
- забеспячэнне рэалізацыі канстытуцыйнага права грамадзян на адукацыю і рэгуляванне грамадскіх адносін у сферы адукацыі;
- задавальненне патрэбнасці дзяржавы і грамадства ў кваліфікаваных спецыялістах, працоўных (служачых);
- задавальненне патрэбнасцей асобы ў інтэлектуальным, культурным і маральным развіцці.
Для выканання мэт дзейнасці каледж рэалізуе наступныя задачы:
- рэалізацыя адукацыйных праграм прафесійна-тэхнічнай, сярэдняй спецыяльнай адукацыі і іншых, вызначаных сапраўдным статутам;
- фарміраванне ў вучняў нацыянальнай самасвядомасці грамадзяніна Рэспублікі Беларусь;
- захаванне і прымнажэнне маральных і культурных каштоўнасцей грамадства;
- стварэнне ўмоў для рэалізацыі творчага патэнцыялу асобы вучня, яго сацыялізацыі і самаразвіцця;
- стварэнне ўмоў для фізічнага ўдасканалення, фарміравання ў вучняў навыкаў здаровага ладу жыцця;
- правядзенне навукова-метадычнай работы, накіраванай на ўдасканаленне адукацыйнага працэсу;
- забеспячэнне сацыяльнай абароны навучэнцаў і ўстаноўленых заканадаўствам сацыяльных гарантый;
- правядзенне работы па ўзаемадзеянні з іншымі ўстановамі адукацыі, у тым ліку замежнымі, з мэтай выкарыстання назапашанага прагрэсіўнага досведу арганізацыі адукацыйнага працэсу;
- правядзенне ва ўстаноўленым парадку работ (аказанне паслуг), накіраваных на забеспячэнне дзейнасці каледжа і якія не выходзяць за рамкі гэтага статута.